Points of Views
From Jerusalem
Points of Views
המשך Continue
רוצים לדעת מי אנחנו?

يهودي يروي تجربة تعرّضه للهجوم من قبل يهود يمينيين متطرفين يوم أمس في شارع يافا

يهودي يروي تجربة تعرّضه للهجوم من قبل يهود يمينيين متطرفين يوم أمس في شارع يافا

"راجعين عالبيت بعد محاولة إعدام متعمّد

طلعنا لنوثق عنف الشرطة اللي اجتاح المدينة اليوم [22.4]، صوّرت كمان بث مباشر من المظاهرة، وكلشي كان تمام نسبياً.
بمرحلة ما بعد هيك، وقفنا بشارع يافا وحكينا مع شوية شباب. صديقي شاي كان يحكي مع ناس، وبعدها كلشي تدهور. عشرات من الكهانيين [يهود متطرفون يؤمنون بأن إسرائيل دولة اليهود وحدهم، وأن العرب هم أعداء الدين اليهودي] حوّطونا بعد ما موشيه ميرون، صاحب شعار "اليساريين الخونة" تعرف علينا بما أننا من "اليساريين المتطرفين" من بلفور.

خلال ثواني، بطيّرولنا البلفونات من أيدينا، دفع، شلاليط وضربات. حاولنا نهرب، بس ما كان في مجال. خفت أدفعهم، فيروحوا يخلّصوا عليّ، والوضع شوي شوي صار أسوأ. موشيه ميرون استمر في التحريض علينا، وطلب منهم يضلوا يلحقونا وما يتركونا بحالنا. وفجأة بووم، واحد منهم ضربني براسي، على ما يبدو بالعمود تبع العلم الإسرائيلي، صرت أشوف سواد. الشرطة وأخيراً بتيجي، فهربنا لزقة جنب المكان لنحافظ على حياتنا. المجانين هدول وقفوا بمدخل الشارع وحاولوا يوصلولنا، أخذلي وقت لحد ما صحصحت.

بكفي لليوم. هدول العنصريين طردوني من الشوارع اللي بتجوّل فيها طول حياتي. ما كان في عرب بالشارع بالمرة، كلهم خافوا يطلعوا. الشرطة اشتغلت شغلها زي ما لازم بمراحل معينة، وبمراحل ثانية وقفوا بدون ما يعملوا اشي، أو الصراحة ممكن نحكي أنهم كانوا عاجزين قدام كل هاي الفوضى.
حتى هاي اللحظة في مئات من العنصريين والكهانيين بتجوّلوا بالشارع، وفش حدا موقّفهم. كل هذا ولسا ما بديت حكي عن المذبحة اللي كانت باب العامود.
"

◀️ المصدر: Shir Aharon Bram
📸 مصدر الصورة: لقطة شاشة من فيديو غير معروف المصدر
————-
#عنف #هجوم #رمضان #باب_العامود #عنصرية #يهود

رابط المنشور الأصلي 👈 https://bit.ly/3dLPee2

@img td:`https://scontent-iad3-1.xx.fbcdn.net/v/t1.6435-9/s720x720/177645196_829879507599104_7473282453890665317_n.png?_nc_cat=105&ccb=1-3&_nc_sid=8024bb&_nc_ohc=oAxR7ZQOADMAX8GquMz&_nc_ht=scontent-iad3-1.xx&tp=30&oh=de99f487cd76f9a6e171842858dffbc2&oe=60A7D14D`@


https://www.facebook.com/198764100710651/posts/829879557599099/