هل يقومو مفتشو بلدية القدس بتحرير المخالفات بشكل غير قانوني؟
"ما بعرف شو بصير مع قلة الاحترام تبعت المفتشين. قعدت بالسيارة واستنيت ٣ دقايق !! ثلاث دقايق!! عشان اخد معي حدا على الطريق.
شخص بدقلي على الشباك وبأشرلي إني اخدت مخالفة. بتفرج قدامي ولاحظت مفتش قاعد بالسيارة وعم بكتبلي مخالفه.
قربت بالسيارة للمفتش وسألتو :
لشو المخالفة اذا انا موجود بالسيارة وعم استنى؟
رد علي: فكرت انه انت مش موجود بالسيارة
أنا: شو … ليش ما اطلعت على الاقل تفحص؟
المفتش: ظنيت انك مش بالسيارة
بهذا الوقت الناس تجمعوا حولي وصاروا يشهدوا اني كنت بالسيارة. وانا وضحتلو اني بدي اخد حدا معي ومش عم " بصف السيارة".
المفتش، فاهم الظلم الي عملو وخصوصا بعد ما انصدم من الكاميرا الي شغلتها قبالهم وهو هرب لأكمن متر لقدام.
حطيت السيارة على وضع الوقوف( هادا عفكره سبب صوت أجهزة استشعار الريڤيرس الي بنسمعه لمه انحول بالغيارات لوضع الوقوت) طلعتلو لحتى افهم تصرفو هادا.
عم بسألو " ليش بتعطي مخالفه لشخص بستنى بالسيارة من غير ما تحاول حتى تحذره ؟"
المفتش: "عشان ..@&$#@^……"
انا: "ايش؟؟"
المفتش ( فجأة صار منيح ) طلع وحطلي المخالفة على التابلو ولا كأنو سفرجي بحطلي الحساب على الطاولة ومهتم انو يساعدني مع نصيحه دافيه كأنو مهتم: "اطلب استئناف او احكي انك كنت بالسيارة. بلغولك اياها .."
انا بسأل .. هاي هيه بلديتنا ؟
هيك بجمعوا المصاري للصندوق المالي؟
سرقة ساخرة من المفتشين الي بستغلوا المواقف المتسرعة الي بالحياة اليومية عشان يطلعوا مخالفات ؟؟ "
💬ترجمة تعليقات مختارة من اللغة العبرية💬
-" عشان هيك البلدية بتعطي مخالفات كذب وبحكو روحو اطلبو استئناف … بعرفو انو مش راح نروح نقدم لطلب … بعملو مصاري من وراهل الموضوع والناس عادي "
-"ما تدفع وروح اعمل استئناف على هل الموضوع ووصلو لحد القضاء "
-" همه عم بسجلوا مخالفات بمبلغ 250 شيكل للمعاقين في القدس ، ايش ضل كمان نتوقع منهم ؟ "
-" حتى لو كنت في السيارة هاي مخالفة .. اتعلمو القانون وما توقفو في مكان ممنوع الوقوف فيه! الطريق هو مكان للحركة مش للوقوف "
-" اووف. خلص زهقت من هل ظلم. بعطو مخالفات على العمية . إخص"
-" من وين جبتها هاي انو اذا انت جوا السيارة ممنوع يعطوك مخالفة ؟ اكيد مسموح "
-" وقحين كمان انا بعتولي مخالفة انو وقفت على الرصيف لثانيتين عشان احط الحزام حتى انهم شايفين اني بالسيارة ، ٥٠٠ شيكل حرام نتنازل عليهم !"
◀️المصدر: مجموعة مقدسيون ومقدسيات
◀️مصدر الصورة: unsplash
——————————-
#مخالفة #مفتش #سيارة #وقف #عدم_احترام
رابط المنشور الأصلي 👈 https://bit.ly/3bjEaq2
https://www.facebook.com/198764100710651/posts/1111334329453619/
