أتينا لكم بالحل للأزمة المرورية التي لا تنتهي في شارع بيجن
"هذا منشور عن أزمات المرور اللي ما الها حاجة في القدس. الأزمة الأبدية اللي ما بتخلص بشارع بيجن بالاتجاهين، واللي بتصير غالباً بسبب إهمال السائقين واللي ممكن إصلاحها بسهولة.
بنبدأ مع الاتجاه الشمالي – بالنزول من النفق باتجاه المخرج من المدينة. النزول بتوسّع بآخره لأربع مسالك واسعة، وهذا أكيد كافي لحتى حركة المرور الضخمة تمشي بسلاسة لخارج المدينة وما في لا إشارة مرور ولا تقاطع طرق اللي يعطّل السير.
بس شو بصير بالحياة الواقعية؟ تفضلوا:
المسلك اليمين بخدم اللي بدهم يتوجهوا لليمين باتجاه جبل حوتسفيم والاشي تمام عالآخر. لهذا السبب تم إنشاء المسلك.
المسلك الثاني بالدور بهذا المسلك في نوعين من السائقين اللي بتقاتلوا، نوع بدهم يفشّقوا عن الدور من الجهة اليمين ويتسللوا، ونوع اللي بستخدموا المسلك استخدام صحيح عشان يتوجهوا لليمين باتجاه راموت، بس طريقهم بتهم تسكيرها بسبب اللي بحاولوا يتسللوا.
اللي بعده هو المسلك الثالث اللي بخدم ثلاث أنواع من السائقين: الأول هم اللي بحاولوا يتسلوا للمسلك اللي بودّي لراموت. الثاني هم اللي ما خططوا لوين بدهم يروحوا وفجأة بتذكروا أنهم بدهم يروحوا على جبل حوتسفيم أو البحر الميت. النوع الثالث هم اللي بحاولوا يتجاوزوا السائقين اللي بدهم يتسللوا للاتجاه اللي بودّي لجبل حوتسفيم.
لغز للقرّاء:
كم مسلك ضل للخروج من المدينة؟ مزبوط، واحد. حصلنا على تفسير للأزمة المرورية لحد ملعب المالحة؟ حصلنا على تفسير.
اللي بعده – من الشمال للجنوب على طول الطلوع ولحد النفق. هون في تفسير بسيط، اللي بدهم يدخلوا للنفق مش مفهوم بأي مسلك لازم يكونوا لحتى يكملوا يمين أو دغري. النتيجة هي أنه الكل بستخدم كل المسالك بدون علاقة لوين همة ناويين يروحوا، وهيك بتصير أزمة. لازم يكون هناك في لافتات واضحة اللي توضح قبل دخول النفق ايش رح يصير.
السبب الثاني هو صدمة جزئية قبل الدخول لنفق مظلم، واللي بتظهر على كثير سائقين. بضغطوا عالفرامل بسبب حدسهم وبخففوا سرعة بدون سبب. السبب الأخير، مزبوط، هم العباقرة اللي بدخلوا أول عالنفق وبعدها بس بقرروا لوين بدهم يروحوا، فلهيك بنتقلوا من مسلك يمين لمسلك شمال والعكس، والحوادث هناك صارت اشي روتيني.
حصلنا على أزمة مرور لحد بسجات زئيف؟ حصلنا عليها.
قودوا بحذر، وأهم اشي بأمانة وحكمة"
◀️ المصدر: مجموعة مقدسيون ومقدسيات
مصدر الصورة: Flash90
—————————
#شارع #القدس #مقدسيون #مقدسيات #أزمات
رابط المنشور الأصلي 👈https://bit.ly/3O1Xd5D
https://www.facebook.com/198764100710651/posts/1095967250990327/
