هل ظننتم بأن تمادي مفتشي المواصلات العامة يقتصر على سكان البلاد؟ ليس تماماً، فقد طال السائحين حتى

"مرات ببساطة مسخرة قديش (مقدّمي الخدمة) بتعاملوا بطريقة مقززة مع السيّاح.
موجودة حالياً بالبلد صديقة الي من ألمانيا، رح تكون هون لثلاث أسابيع، أجت خصوصي عالبلد قبل كم يوم لحتى تلاقي كتب ومواد اللي موجودة فقط بالمكتبة الوطنية لاشي متعلق بالدكتوراه تبعتها. بتتنقل بالمدينة بالباصات بين الشقة اللي مستأجرتها بكريات يوفيل وبين المكتبة بشكل رئيسي. واحد من الأشياء الاولى اللي عملتها بالبلد هو انه تعمل كرت راف-كاف.

اليوم طلعت بباص رقم ١٩، وزي الأوروبية اللي بتعمل كلشي دغري (وفوق هيك ألمانية)، أول اشي عملته هو انه تعمل تفعيل للبطاقة لما تطلع الباص. قعدت ومشت بالباص وبعدها طلعا مفتشة. طلبت منها الراف-كاف واكتشفت أنها ما تم سحب سعر التذكرة من البطاقة.
الألمانية استغربت وصار وجهها شاحب، وبلّشت تعتذر وقالت بأنها فعّلت البطاقة وأنها بتعتذر.

هل المفتشة الآنسة س أوخيون عملت المطلوب، واللي هو مساعدة بني ادم من بلد ثانية واللي هو ضيف هون؟ أخذت منها الراف-كاف وساعدتها تفعله زي ما لازم عشان تدفع عالسفرية؟ لا. بدل ما تسوي هيك، رفعت صوتها عليها وقالتلها بأنها بتتعدى عالقانون، تجاهلت كل المسافرين والسائق اللي كمان عرفوا أنه هي فعّلت البطاقة، وتجاهلت اللي حكته صديقتي، وأعطتها مخالفة ١٠٠ شيكل بدون سبب.

ليش هيك؟ أنا جد مش فاهم. أمر منطقي أنه سائحة مش بالضرورة تفهم إذا هي فعّلت البطاقة أو لا. رح أساعدها تقدم استئناف، واذا في حدا عنده خبرة بالموضوع يا ريت يساعدني..

(بالصورة المخالفة، وبنقدر نشوف أنه رقم الهوية مش من البلد، وعالجنب جزدان السياح اللي شرته مبارح، اللي ما نصبوا عليها فيه بالأخص)

◀️ المصدر: شير أهارون
—————————
#القدس #حافلات #مواصلات
رابط المنشور الأصلي 👈https://bit.ly/3n9FDl9

https://www.facebook.com/198764100710651/posts/1087642778489441/