Points of Views
From Jerusalem
Points of Views
המשך Continue
רוצים לדעת מי אנחנו?

اعتراف لجندي إسرائيلي حول إحدى أهم الوحدات غير المعروفة في الجيش

اعتراف لجندي إسرائيلي حول إحدى أهم الوحدات غير المعروفة في الجيش

"في عند الجيش الإسرائيلي اشي اسمه "الجهة المتحدثة باسم الجيش الإسرائيلي". الجهة المتحدثة باسم الجيش الإسرائيلي بتشتغل على وسائل التواصل الاجتماعي بكميات اللي ما بتتخيلوها، وبالعادة الجيش الإسرائيلي مش معني أنكم تعرفوا هذا الاشي.
هاي مش عبارة عن وحدة بالجيش، هاي عبارة عن لواء الجهة المتحدثة باسم الجيش الإسرائيلي، وفيها كميات هائلة من الجنود وكثير ميزانيات وموارد.
بستثمروا باللغات الأجنبية وبالتواصل مع كاتبين أجانب. بستثمروا جهود بوسائل الإعلام العربي، وبشكل خاص للمواطنين في الدول اللي بحكوا فيها عربي بشكل مباشر.
بستثمروا في العلاقات العامة الإسرائيلية، كميات كبيرة من الوقت والمصاري. من وين بتيجي كل المقالات الحلوة اللي معبّية الجرايد بتفكروا، اللي بتكون عن الجنود وقصصهم الموثرة والطيارين التوائم والجنود وحيدي الأهل وأحفاد النازيين والمجرمين اللي تم إعادة تأهيلهم؟ اعرفوا انه هذا هو مشروع التخرج لكورس الضباط في الجهة المتحدثة باسم الجيش. برسلوهم على وحدة عشوائية بالجيش وهم لازم ينتجوا قصة مؤثرة. والمقالات اللي ببينوا فيها الجنود زي مقاتلين حربيين زي العنجد؟
بس أكثر اشي ما بتعرفوه، هو أنه لكل وحدة في جهة متحدثة خاصة، وضابط واحد للجهة المتحدثة باسم الجيش على الأقل الخاص فيها، واللي مهمته بتتمثل بالتستّر على الفضايح اللي بتسويها الوحدة، ويتأكد أنه الجنود ما بطلعلوا للإعلام وأنه ما ينكتب أشياء مش منيحة على هاي الوحدة على الانترنت. بأغلب الأوقات بنجحوا بهالاشي، بس هذا زي الشاباك والعمليات، أو زي القبة الحديدية ووابل من مئات صواريخ القسام من غزة – اسمعوا، فش دقّة ١٠٠٪. مرات جندي بنجح بأنه يطلع عالإعلام، أو المنشور ما بنمحي من الفيسبوك وبوصل للإعلام. الأشياء اللي بتصولكم هاي بس الأخطاء الصغيرة اللي بدون قصد وانتباه.
عشان هيك ما تستهزئوا لما تحكوا عن وحدة الجهة المتحدثة باسم الجيش وعن العلاقات العامة، هاي وحدة من أهم الوحدات في الجيش الإسرائيلي، في المرتبة الثانية في المقاتلين طبعاً، اللي هم أهم اشي (الطيارين هم مقاتلين)."

◀️المصدر: اعترافات الجيش الإسرائيلي IDF Confessions
———————————-
#القدس #جيش #اعتراف #اعترافات
رابط المنشور الأصلي 👈 https://bit.ly/3MccCzU

@img td:`https://scontent-iad3-1.xx.fbcdn.net/v/t39.30808-6/280762080_1060252777895108_5152543825809846912_n.jpg?stp=dst-jpg_s720x720&_nc_cat=104&ccb=1-6&_nc_sid=8024bb&_nc_ohc=djFc1pjHgjYAX_3uP7U&_nc_ht=scontent-iad3-1.xx&edm=AKK4YLsEAAAA&oh=00_AT9gROFiFi7u-5Pp93-CvjbdsgCC8_tbLPWKxXDsyF3_ww&oe=6282F906`@


https://www.facebook.com/198764100710651/posts/1060652081188511/