ما قصة الملابس التي تحمل صورة الأسلحة والتي انتشرت بكثرة في الآونة الأخيرة؟

"هاي الموضة تبعت ال "M16" انتشرت بكثرة آخر أسابيع والكل بتساءل ايش مصدرها. كل محل ملابس في شرقي القدس عنده مليان منها. قبعات، بلايز، جرازي، بنطلونات وغيرها. الجميع، كل الشباب، لابسين منها.
دخلت على واحد من المحلات الكبيرة قدام باب العمود، وسألته شو قصتهم. صفن فيي وقال لي شو قصدك شو القصة؟ هاي موضة وماشية بشكل قوي ومنيح. شوف هي في عندي منها مع إشارة الصح تبعت نايك، ومع أديداس، مع بعض، وقريباً رح يكون في أحذية. الاشي بّلش في الصفة الغربية، فش رسالة معينة أو موحدة. الناس بتحب الرشّاشات، بعتقدوا أنهم اشي حلو، خصوصاً الشباب.

قلتله اسمع، كلشي تمام ومن هالأمور، بس انت عارف أي رسالة هذا الاشي بنقل؟ عنيفة ومخيفة. اليهود بخافوا من هاي البلايز. كثير شباب فلسطينيين بلبسوا هاي البلايز، وهي مش بالزبط دليل على السلام والهدوء، ليش رشاش؟

قال لي: اسمع، بخوّف ولا ما بخوّف، هاي كلها طباعة على بلوزة. اطلع برا وشوف، انتوا اليهود عندكم رشاشات حقيقية…كل جندي عندكم حامل واحد، وكل طفل عربي متعوّد يشوف يهودي حامل M16 بايده. عند كل مستوطن في سلاح، حقيقي مش رسمة. ثلاث سنين انت بتمشي مع رشاش بايدك. عندكم طيارات حربية اللي بتطيروها فوقنا.
واحنا بنخوّفكم ببلوزة؟

◀المصدر: شير أهارون Shir Aharon
——————————–
#القدس #سلاح #موضة #رشاش

رابط المنشور الأصلي 👈 https://bit.ly/3FqSGqu

https://www.facebook.com/198764100710651/posts/1058341724752880/